Proxectóuse no Centro Internacional de Prensa de Galicia (CiPG) o documentario ‘Exeria: a primeira peregrina’

O director do filme, o xornalista Luís Menéndez, estivo acompañado da autora do libro ‘Eu son Exeria’, Marisa Vidal e de ilustradora Sole Pita

Marisa Vidal, á esquerda da mesa, xunto a Luís Menéndez e a Sole Pita, no CiPG. Fotografía de Daniel Trillo Raatzke.

Santiago de Compostela, 19-12-2022.- O documentario ‘Exeria, a primeira peregrina’, do xornalista Luís Menéndez, proxectóuse onte no Centro Internacional de Prensa de Galicia (CiPG) nun evento no que estiveron presentes tamén a autora do libro ‘Eu son Exeria’, Marisa Vidal, e a ilustradora Sole Pita.

O documental trátase dunha produción galega internacional en cinco países seguindo o roteirode Exeria, fascinante figura do século IV, que peregrinou desde as calzadas romanas da Gallaecia ata os seus destinos de Terra Santa e Constantinopla, deixando testemuña escrita no seu Itinerarium, un texto nun latín culto que lle pareceu extraordinario ao autor do filme.

Marisa Vidal lembrou a necesidade que houbo de dar a coñecer a esta pioneira das crónicas viaxeiras, sobre todo a raíz de que o Concello de Santiago concedera unha praza á memoria de Exeria. “Isto ao final fai posible visibilizar ás mulleres da historia, sacalas do anonimato e poñelas á luz”, manifestou a escritora.

A ilustradora e profesora do instituto compostelá Rosalía de Castro, Sole Pita, explicou que a súa aportación tivo moito que ver co seu compañeiro Pepe Chao, membro da publicación Encrucillada: “Entre os moitos debuxos que fixen para Encrucillada este de Exeria foi o que máis sorpresas me deu e a partir del veu a historia de ilustrar o libro”. Pita anima a ler un “texto precioso, que se le de contado”. Unha obra que segundo ela “fala da forza das mulleres”.

Público durante antes da presentación do documentario sobre Exeria.

Deixa unha resposta